Paytm App Kya Hai Or Paytm Par Account Kaise Banaye

Hello friends aaj mai aapko Paytm kya hai or paytm app par account kaise banaye uske bare me pure detail se bataunga Jab se Indian Government ne 1000 aur 500 ke notes par banned lagayi hai tab se logo ke bich currency ko lekar bahut afra tafri machi hue hai.
Jin Smart bando ko paytm ke bare pata hai wo apna sara payment paytm or debit card ke through kar rahe hai lekin jinko inke bare pata nahi un logo ko market me bahut dikkat uthani pad rahi hai.

Bank me bhi agar aap 500 or 1000 rs ke note exchange karane jate hai to aapko 2000 or 500 ke notes haath me thama diye jate hai par problem to tab suru hoti hai jab aapko us note ka change nahi milta hai.
Aise me aam aadmi kare bhi to kya kare ek to change nahi hai aur market wale 100 ke note hi accept karte hai Iska ek easy sa solution hai ki aap Paytm ka use kare Ish paytm app se currency changes ki problem 90% tak solve ho chuki hai.
Paytm hi ek aisa way hai jiska use karke aap online marketing kar sakte hai aaj kal sabji mandi wale bhi paytm accept karna suru kar diye hai jiska matlab ye hua ki ab aap apne phone se directly kisi seller ko pay kar sakte hai
Isme aapko jyada kuch karna nahi hota hai iske liye aapke pass ek smartphone hona chahiye aur usme ek paytm app installed honi chahiye Ish aap ko manage karna bilkul hi easy hota hai ek 8 saal ka bachha bhi isse payment kar sakta hai.
• mCent Se Free Mobile Recharge Kaise Kare?
Paytm app aapke ATM/Debit card ki tarah hi work karta hai lekin isko swipe karne ki jarurat nahi padti hai ye internet ke through work karta hai aur internet se hi aap saamne wale ko pay karte hai aur payment receive bhi karte hai
Jab aap koi Low cost ki product market se buy karte hai aur aapke paas change (Chhute) nahi hote hai tab aap ish paytm app ka use karke dukandar ko pay kar sakte hai.
Paytm App Or Paytm Kya Hai?
Paytm ek Mobile E-commerce Platform hai jisko shuru me sirf Mobile Recharge aur Utility bills ko online payment karne ke liye banaya gaya tha lekin baad me isko ek pura ka pura Marketplace me utaar diya gaya aur consumer ke hisab se products launched karna suru kar diya
Ye ek bill payment karne wali site ke saath saath ek E-commerce website bhi ban chuki hai jaha se aap products ko buy or sell kar sakte hai Iski mobile app se har mahine kam se kam 10 millions products ke order aati hai.
Paytm ko 2010 me Vijay Shekhar Sharma ne banaya tha ye ish Paytm concept ke founder aur creator dono hai par ish app ko chalane wale company One 97 Communications Limited ke hai jo India’s me sabse badi mobile recharge companies me se ek hai.
Ye company mobile marketing, Cab Booking, ticket booking aur Online marketing ki sari services provide karti hai Paytm ka concept bhi unhone hi chala rakha hai aur online payment ke liye iska use karte hai.
Paytm Wallet Se Kya Kya Kar Sakte Hai?
Isse aap payment ke alwa bhi bahut kuch kar sakte hai Sabse achhi baat iske through aap online shopping kar sakte hai Ye online shopping karne par aapko 70% tak discount deti hai aur isme aapko 100% cashback diya jata hai
Agar aap isme 200+ tak ka payment (recharge) karte hai to aapko 1st recharge me  10% tak ka cashback diya jata hai aur ye cashback 100% tak increase ho sakta hai.
• Mobile recharge
• Electricity Bill Payment
• LPG Gas Bill Payment
• Bill Payment
• DTH recharge
• Financial Service
• Movie Ticket Booking
• Bus Ticket Booking
• Hotel Booking
• Data Card Recharge
• Money Transfer Paytm To Paytm Wallet
• Education Fee Payment
• Online Shopping Market Place
In sab ke alawa bhi aapko isme bahut se feature aur services diye jate hai, agar aap chate hai ki aapko 100% cashback aur Discounts mile to mai aapko Paytm app ka hi use karne ki salah duga, Isme money Load karna bahut hi aasan hai aur payment karna to aur bhi easy hai
Paytm Par Account Kaise Banaye Step By Step For Mobile User’s
Paytm ko aap PC/Computer me bhi use kar sakte hai lekin India me 60% Internet User’s mobile se hai to mai aapko ise Mobile se hi banane ke bare me batauga waise PC aur Mobile platform me paytm ka account banane ka process same hi hai but ise jyadatar mobile users hi karte hai isliye aap ise mobile se hi banaiye.
Step 1. Sabse pahle Play Store se Paytm download karke install kariye.
Step 2. Ab app ko open kariye aur Profile me click kariye.

Step 3. Ab Hello ! LogIn To Payment me Tap kariye.

Step 4. Hello LogIn To Payment me click karte hi Sign In page me pahuch jayege tab aap SignUp me click karke apna phone aur Email type kariye.

1. Apna Phone number enter kariye.
2. Yaha apna Email ID type kariye.
3. Password enter kariye.
4. Finally SignUp button par tap kariye.
Step 5. SignUp button par TAP karte hi aapka paytm app account ban kar ready ho jayega lekin isko pura thik tarah se banane ke liye aapko apna Number verify karne ki jarurat hai isliye signup me tap karne ke baad aapke number me paytm ki taraf se ek message aayega aur us message me aapke paytm wallet ka OTP hoga use apne wallet me daal kar confirm kar lijiye.

1. OTP number type kariye.
2. aur Done me click kariye.
Ab aapki Paytm par account puri tarah se ban chuki hai ab aap paise transfer karne ke liye ready ho chuke hai lekin kisi ko pay karne se pahle aapko apne paytm wallet me cash load karne ki jarurat padti hai aur cash load karne ke liye aapko ATM/Debit card ki jarurat padti hai Cash load kar lene ke baad hi aap kisi ko paytm se pay kar sakte hai.
Paytm Wallet Par Cash Load Kaise Kare?
Ish par Debit card se cash load karna utna hi aasan hai jitna ki kisi ko pay karna hai Phir bhi agar aapko iske bare me detail me janna hai to mai aapko pure detail me batauga.
Paytm debit card ke alawa bhi sabhi cards jaise Credit, Master, Visa card accept karti hai aur ye India ke lagbhag sabhi bank ke ATM card ko accept karti hai isliye aapko isme cash load karne me koi pareshani nahi hoti hai.
Step 1. Sabse pahle apne Paytm app ko open kariye.
Step 2. Ab iske Home window me aapko Add Money ka sign dikhega usme aapko click karna hai.

Step 3. Ab Jitna bhi cash aap paytm app wallet par load karna chahte hai enter kariye aur phir Add Money par TAP kariye.

1. Amount type kariye.
2. Add money par TAP kariye.
Step 4. Jaise hi aap Add Money par tap karenge tab ek new page open hogi aur aapse aapki bank ATM card ki detail bharne ko kahi jayegi tab aap apne ATM card ki sari detail sahi sahi bhar kar cash load kar le.

1. ATM card number enter kariye.
2. Card ki validity enter kariye.
3. Card ka CVV number fill kariye ( Jo atm ke back side 3 digit ki hoti hai)
4. Finally Pay now button par tap kariye.
Paytm app wallet me amount load hone me 1 minute lagega jab aapke paytm wallet me cash load ho jaye tab aap ATM card ko remove kar dijiye Ish card ko aap save karke bhi rakh sakte hai par ise remove kar dena hi achaa hota hai
Ab aapke paytm me cash bhi load ho chuki hai ab aap kisi ko pay ya mobile recharge karna suru kar sakte hai Ye app har ek payout par aapke mobile me ek message send karti hai jisse aap pata laga sakte hai ki aapne kisko kitni pay kari hai.
To dosto aapko hamari ye jankari kaisi lagi agar aapko paytm par account banane me kisi tarah ki dikkat aa rahi hai to aap hame apni problem comment karke bata sakte hai Ham aapki problem solve karne ki puri kosis karenge.
Post pasand aaye to ishe share kariye taaki dusro ko bhi paytm app ke bare me pata chal sake aur unhe demonetization ki problem ka saamna nahi karna pade.